За раѓање на второ и трето дете, Вучиќ потсети дека досега правило било за второ дете помошта од две години следува 10.000 денари месечно, за трето дете 12.000 динари месечно 10 години, а за четврто 10 години 18.000 динари месечно.
Претседателот на Србија, Александар Вучиќ, денеска ги претстави новите демографски мерки, од кои прва е зголемувањето на финансиската поддршка на семејствата за првороденото дете од 100.000 на 300.000 динари (2.500 евра).
Вучиќ откри дека се договорени мерки за поттикнување на наталитетот во Србија како дел од демографска политика.
– Полека исчезнуваме како народ, не има се помалку, а податоците покажуваат дека наталитетот е нешто над 1,5, а потребно е за едноставна репродукција 2.15. Сите светски експерти размислуваат за овој проблем со децении – изјави претседателот.
Вучиќ рече дека е договорено, без разлика што буџетот е веќе донесен во Собранието, од 1 јануари секое првородено дете, наместо 100.000 од државата да добива по 300.000 динари. Според него, тоа е првата мерка што треба да ги поттикне мајките, а ќе се комбинира и со многу други мерки.
За раѓање на второ и трето дете, Вучиќ потсети дека досега правило било за второ дете помошта од две години следува 10.000 денари месечно, за трето дете 12.000 динари месечно 10 години, а за четврто 10 години 18.000 динари месечно.
– Работиме на нови мерки за второ дете посебно и таа помош ќе биде зголемена – изјави Вучиќ.
– За студентите ја носиме мерката доколку девојка забремени и роди дете, за неа не важат испитните рокови, како и за сопругот, таткото, кој е студент. Ќе поставиме рокови за обичните факултети да завршат до 26 години, а медицинските до 28 години. Така, добиваме дека не мора да паузираат поради раѓање на дете и да ги пропуштат испитните рокови, туку секогаш ќе можат да полагаат без дополнителни трошоци и нова година – објасни тој.
Вучиќ рече дека се разговара за други мерки, а најважна е помош за купување стан.
– Таа мерка ја врзуваме за мајката, за да нема злоупотреба. Државата со неповратни средства ќе помага при купување станови, а правото на сопственост го има мајката. Ќе даваме меѓу 10.000 до 20.000 евра, со цел да ги мотивираме младите да ги напуштат домовите на нивните родители, бидејќи ако седат до 40 години со родителите, мали се шансите да основаат семејство.
Вучиќ посочи дека само мерката за зголемување на помошта за првороденото ја чини државата 5,7 милијарди динари, односно 50 милиони евра годишно.