Уставниот суд ќе решава дали министерот за финансии во заминување, Кирил Миноски може или не во овој период да исплаќа субвенциите.
Од Уставниот суд за Алсат М потврдија дека веќе има оформено предмет и дека судија со неговите соработници работи на предметот. Но, не се знае кога оваа точка ќе биде на дневен ред, кога најскорешна седница на Уставен е закажана за десети мај, но на неа не се наоѓа оваа точка.
Земјоделците на вчерашниот потест и блокадите порачаа дека даваат рок до петок за средба со министрите за земјоделство и финансии Михаил Цветков и Кирил Миновски. Во спротивно најавија дека викендот ќе се состанат координаторите од сите земјоделски здруженија и ќе решат како ќе настапат.
Некои се заканија со протести и блокади со целата механизација што ја поседуваат.
Земјоделците треба да добијат околу 92 милиони евра за субвенции. Најголем дел од парите се за лани односно 52 милиони евра, за 2015 – та државата им должи околу 1,2 милиони евра, а останатите средства се за 2014 – та година. Проблемот за неисплатата на субвенците е во еден член од Кривичниот закон, кој забранува исплата на субвенции. Оваа пречка може да се надмине само ако Уставниот суд ја укине таа одредба.