Претставниците на Владите на Република Македонија и на Република Албанија, ќе одржат заедничка меѓувладина седница на 15.декември во Поградец, Албанија.
Од Владата соопштуваат дека на седницата ќе се разговара на повеќе теми, со цел да се унапреди заемната билатерална активност и политичкиот дијалог за зајакнување на соработката во сите сфери.
– Со оглед на меѓусебните заложби од регионалната соработка ориентирана кон Европската Унија, Берлинскиот процес, целите зацртани на Самитот на Јадранската повелба во Трст и создавањето на регионална економска зона, во фокусот на меѓувладината седница ќе биде унапредувањето на меѓусебната поврзаност и инфраструктура, олеснувањето на размената на стоки и услуги како и зајакнување на соработката во областа на безбедноста, се вели во владиното соопштение.
Ова е прва заедничка меѓувладина седница помеѓу владите на Република Македонија и Република Албанија.