Published: Friday, January 28, 2022 13:47
Македонските Бугари ќе бидат дел од Уставот, заеднички ќе го чествуваме Гоце Делчев кажа премиерот на Бугарија, Кирил Петков денеска пред парламентот во Софија информирајќи за текот на преговорите со нашата Влада.
-Договрено е Бугарите да бидат впишани во Уставот на Северна Македонија. За рокот кога тоа ќе се случи, се уште се преговара. Бугарите во Северна Македонија ќе имаат еднакви права со другите – рече Петков. За бугарскиот премиер, впишувањето на Бугарите во нашиот Устав нема да биде доволно, туку во текот на преговорите за членство на земјата во ЕУ, секоја манифестација на говор на омраза или дискриминација да биде разбиена во текот на овој процес и елиминирана – кажа претседателот на бугарската Влада.
150 годишнината од раѓањето на Гоце Делчев веќе е договoрено заеднички да го чествуваат двете земји, најави Петков. Двете влади веќе се во прегвори за повеќе проекти од областа на инфраструктурата, како би се поврзале подобро меѓу себе двете држави. Има подготвеност од страна на ЕК да ја поддржи финансиски изградбата на железничката пруга меѓу Софија и Скопје истакна бугарскиот премиер, а тој се надева дека во март годинава ќе почне да функционира авионската линија Софија-Скопје.