Уставниот суд веднаш да се изјасни за уставноста на СЈО. Додека не се изјасни уставнито суд, пратениците од СДСМ и коалициските пратеници нема да учествуваат во работата на Собранието. Сите политички партии треба да докажат дека ја поддржуваат работата на СЈО. Ова е особено важно по вчерашното срамно обраќање на Ѓорѓе Иванов и да отвори пат за намерата на Груевски да го суспендира СЈО.
Тој рече дека тие не излегуваат туку само ја замрзнуваат работата во пленумот и комисиите бидејќи, според нив, е индикативно Судот да не одлучува сеуште и по 8 месеци откако е поднесена иницијатива за уставноста на СЈО, ако се имало во предвид дека за иницијативе на власта решаваат и за три дена.
Тој соопшти дека ќе бара вклученост на граѓаните во преговарачкиот процес и побара да прекине прогонот на граѓаните што протестираат.
Ако имаат докази дека се спрема граѓанска војна нека ги објават,. Тој е должен јавно да ги објави тие докази дека странски разузнавачки служби спремаат војна, а ако не, веднаш нека си поднесе оставка, рече Заев алудирајќи на вчерашниот говор на Иванов и додаде дека е стравотно тој да ја споменува армијата во овој контекст.