Пратениците ги разрешија министрите за финансии Драган Тевдовски, Хазби Лика и Сујхел Фазлиу.За разрешувања на министрите гласаа 64 пратеници. Пратениците од ВМРО ДПМНЕ не гласаа.
На финишот од дебата пратеникот Владимир Ѓорчев го бранеше министерот за финансии Тевдовски кој на предлог на Заев е разрешен. Ѓорчев кажа дека иако не се согласувал со политиката која ја водел Тевдовски – за зголемување на даноците, тој бил чесен политичар.
„Најмалку 10 – 15 други министри требаше да ја напуштат Владата, а вас реконструкцијата ви се сведе на смена на Тевдовски. Од вас Заев се очекуваше веднаш по изборите да излезете со план за смена на министрите, а не јавноста да чека два месеци .
Тевдовски ли е виновен што нема капитални иневстици – што има само 6 проценти реализација на капитални инвестици во некои министерства? Да не требаше Тевдовски да им ги пишува проектите? Каде се министрите за странски инвестици? Никој не им ги знае ни имињата. Кафиња пијат секој ден на улица Македонија, кажа Ѓорчев.
За Заев, оставката и начинот на кој ја соопштил заменик министерот за образование Петар Атанасов е доказ дека има слобода во државата и е потег кој не можел да се замисли во времето на владеењето на ВМРО ДПМНЕ.
„Тоа што Бранимир Јовановиќ си замина и кажува зошто си заминува е доказ дека има слобода – секој може да се каже што сака. Вие Ѓорчев бевте сменети од Извршниот комитет на партијата зашто не гласавте за амнестијата, ако се сеќавам.
Не заборавајте дека вашиот лидер Груевски беше и премиер и министер и уредник во сите медиуми, беше и градоначалник на Скопје и на Центар, тој беше и претседател на Кривичниот суд, на сите судови“, рече Заев.
За писмото што 250 културни уметници го испратија до премиерот да не се менува директорот на МКЦ, Заев рече дека е испратено на погрешна адреса, затоа што директорот на МКЦ не го бира Владата, туку Град Скопје.
За утре е закажано продолжението на седницата на која пратениците ќе дебатираат за изборот на новите министри. Премиерот Заев за нови членови на неговиот Кабинет ги предложи, Горан Милевски – за локална самоуправа, Насер Нуредини за прв човек во министерството за екологија, Трајко Димковски кој ќе биде одговорен за ресорот земјоделство, Садула Дураки како предводник на новото министерство за политички систем и Хусни Исмаили кој треба да го преземе ресорот култура.