Премиерот и претседател на СДСМ, Зоран Заев го поздравува потегот на Чедомир Саздовски да ја напушти партијата ГРОМ и во Собранието да делува како независен пратеник и дека пружа рака за соработка.

Одговарајќи на новинарско прашање, Заев меѓу другото рече дека очекува во следниот период да има повеќе вакви одлуки на пратениците од коалицијата предводена од ВМРО ДПМНЕ, бидејќи според него, тие се соочуваат со големи притисоци од најголемата опозициска партија.

Досегашниот пратеник на ГРОМ Саздовски претходно го известил претседателот на Собранието Талат Џафери дека во Собранието ќе работи како независен пратеник, и ја напушта партијата која што е во коалицијата на ВМРО-ДПМНЕ.

Чедомир Саздовски и Панче Минов беа двајца пратеници на ГРОМ во Парламентот, во коалицијата со ВМРО-ДПМНЕ. Минов е координатор на шестата од десетте пратенички групи на ВМРО-ДПМНЕ, а Саздовски му беше заменик.

Саздовски беше член на СДСМ пред да му се приклучи на Јакимовски пред претходните локални избори, кога Јакимовски, кој исто така беше член на СДСМ, се кандидираше за градоначалник на Општина Карпош со печатот на Српска напредна странка на Драгиша Милетиќ, а потоа ја формираа ГРОМ.