Премиерот Зоран Заев ги отфрли сите како што рече „шепкулации за каков било политички договор со Груевски“.
Заев вели дека немало никакви пропусти во однесувањето на МВР и дека се надева дека Груевски ќе биде вратен во Македонија и ќе ја отслужи затворската казна.
„МВР постапи веднаш откако ја доби наредбата од Судот, претходно не смее да направи ништо. МВР без наредба од Судот не може да му пристапи на ниту еден граѓанин. Ова не го кажувам дека не сме требале да бидеме повнимателни, туку поради тоа што со ова испраќаме порака дека не треба да правиме ништо, што е надвор од Закон. Строго е постапено според Закон, на едмократски и внимателен начин“ рече Заев.
Ние сме земја која сака да биде членка на ЕУ и НАТО и без разлика на чувствата, тоа не ни дава за право да ги кршиме законите, псобено не од институциите“ кажа Заев.
Заев очекува Унгарија дека како земја членка на ЕУ нема да штити криминалци кои направиле штети врз граѓаните на Република Македонија и ќе се побара екстрадиција за Груевски.
„Каква е мотивацијата за нас земјите кандидати за членство ЕУ, кога една земја членка на Унијата биде засолниште на криминалци и не го почитува меѓународното владеење на правото.
Сакам остро и категорично да ги отфрлам сите шпекулации за било каков политички договор со Груевски“ кажа Заев.
Заев очекува Груевски дека Груевски ќе се врати назад и ќе ја отслужи затворската казна.
Тој најави дека се истражува дали има пропусти кај граничната полиција.
„Каков кукавица е тој што постојано велеше дека ќе оди во затвор без разлика што ќе се случи дека е подготвен за Македонија да оди во затвор, дека тој е подготвен да оди само другите да не одат во затвор. А кога дојде време да ја понесе одговорноста избега како кукавица. Тоа само потврдува дека е виновен за тоа што е осуден“ рече Заев.
Јас го разбирам гневот на новинарите и кај мене има гнев но ве уверувам дека ако имало нешто што сме можеле да го направиме, ќе сме го направиле. Но не сме можеле да направиме нешто за човек кој бил сеуште слободен човек“ кажа Заев.