Премиерот Зоран Заев негира дека утрешното изненадување на Ахмети има било каква врска со заеднички кандидат Албанец за градоначалник на Скопје.
– Не се работи за тоа, се работи за нешто кое што претставува модернизација на нашиот коалиционен партнер и нормално е за деталите да зборуваат тие а секако и во духот на тоа што го работиме и како Влада. Ќе ги видите деталите, како што ги презентиравме нашите промени, како најголем партнер на нашата коалиција кои се правеа со еlктронската евиденција со непосредното гласање, еднаквата застапеност на мажите и жените, поголема застапеност и на младите во партијата, така и ДУИ ме информираа за ова квалитативна и убава промена, истакна Заев.
ДУИ вчера најавија дека лидерот на партијата Али Ахмети утрте ќе сообшти изненадување.
„Претседателот на Демократската Унија за Интеграција, г. Али Ахмети по повод 19-годишнината од основањето на партијата, на 5 јуни (05.06.2021) во сабота, во 12:00 часот, ќе им се обрати на граѓаните. Претседателот Ахмети преку социјалните мрежи ќе ја пренесе пораката упатена до сите членови на партијата и воопшто до сите граѓани на нашата земја.“ – велат од ДУИ.