СДСМ и Коалицијата вечерва со изборни активности на карванот „Најдоброто за мојата општина“ во Чешиново-Облешево, Зрновци, Кочани, како и во Арачиново.
Ние нема да инвестираме во спомениците и жалните врби, со одобренија по пропис градиме инфраструктурни проекти, а ќе се подобри квалитетот на животот. Само добро организирани општини носат добар живот. И додека инвестираме во иднината, Христијан Мицкоски и нивните кандидати сакаат да не вратат назад, но ние тргнавме напред и запирање нема, рече премиерот и претседателот на СДСМ Зоран Заев на трибината од Кочани.
– Слушнав дека и Мицкоси бил тука, кажал неколку збора и заминал, рекол дека сме газеле по црвени килими и сме седеле на фотелјите, ама на нив седел Груевски, а на истите седел и неговиот советник Мицкоски, а тие не се поразлични од оние во Белата палата која е поголема од Инфективната клиника, со милионски суми државни пари набавувале и за владата, па и за во платата. Истите тие кои блокираат закони, плати, отписи на камати за долговите, клинички центар, се што е во интерес на граѓаните Мицко кочи, рече Заев.
Кандидатот за градоначалник на Кочани Николчо Илијев пред своите сограѓани најави нова коловозна лента на улицата „Стево Теодосиевски“, катна гаража, нови простори за паркирање, сообраќаен мост на Кочанска Река, пешачки и велосипедски патеки. Тој вети проекти се пред или се во фаза на реализација. Илијев кажа дека еднакво се вложува во градот како и во другите населени места.
– Се работи на патни и комунални зафати, обезбедена е поддршка на земјоделството и на малите бизниси, редовно се испорачуваат социјалните услуги, се вложува во културата, спортот, здравјето, рекреацијата. Секој граѓанин ни е важен! Мојата желба и визија е Кочани да биде најдоброто место за живеење, јас не умеам да работам поинаку. Ви ветувам само едно: ќе работам повеќе отколку што очекувате, порача Илијев.
Потпретседателот на СДСМ Оливер Спасовски од Арачиново кажа дека се реализирани повеќе од 7.000 проекти. Тој најави дека следуваат нови проекти како водоводна мрежа и прочистителна станица, а дивата депонија ќе стане парк.
– Од централниот буџет ги раздолживме општините и 500 милиони евра за развој на локално ниво, а дел од средствата заврши и токму овде во Арачиново, најдобрите проекти носат развој, токму тоа го гледате тука, во времето на режимот најмалку се вложуваше, а СДСМ вложува во реални и видливи проекти, недозволиво е населено место на 10 км од Центарот да нема канализација, затоа изградивме 10 км канализација, за некој ден ќе почне да се гради и првата детска градинка, го реновиравме и старото училиште, нова општинска зграда, рече Спасовски.
Кандидатктата за градоначалник на Арачиново Миликије Халими најави дека во наредниот мандат секоја куќа ќе се поврзе на канализација и ќе бидат изградени прочистителни станици, а во зоната на дивата депонија ќе никне парк за сите љубители на природата.
– Арачиново продолжува напред! Мојанци, Грушино, Орланци и Арачиново го заслужуваат најдоброто, затоа на 17 октомври гласајте за „Најдоброто“, заокружете го бројот 12 за уште една голема победа на СДСМ и Коалицијата во Арачиново, повика кандидатката за градоначалничка на Општина Арачиново Милкије Халими.
А, во Скопје, кандидатите за градоначалници од СДСМ и Коалицијата на Град Скопје, Петре Шилегов и на Шуто Оризари, Ферат Асан вечерва одржаа маалски средби со граѓаните на оваа општина. Тие беа придружувани од носителите на кандидатските советнички листи за Скопје, Софија Пејкова и за Шуто Оризари, Нежиме Саитова. Шилегов најави дека Скопје ќе добие нов забавен парк, а таков, вели, нема во регионот.
– Денес го презентиравме новиот Забавен парк во Скопје кој ќе биде завршен за година ипол од сега. Во радиус од 300 километри нема да има таков. Забавниот парк ќе се наоѓа на истото место како стариот Луна Парк. Предвидени се 27 реквизити, односно содржини, за три различни возрасти. Креираме нови работни места, ја помагаме локалната економија. Проектот е целосно самоодржлив, за реализација на овој проект се бара изведувач кој ќе го финансира и нема да има буџетски импликации на град Скопје. Се очекува паркот да се исплати сам за три години, а потоа градот ќе заработува и ќе вложува во нови проекти, најави Шилегов.