Пред пратениците во Стразбур се обрати премиерот Заев кој како што што кажа е прв кој се обраќа на македонски јазик од Европскиот парламент .

„Граѓаните знаат каква одлука треба да донесат, тоа не е лесна одлука, ќе бидеме Северна Република Македонија, но со признаен македонски јазик и идентитет. Исто така знаеме какви се придобивките од таа одлука и дека ова е најдобрата шанса што нашата земја ја добила и нема да ја пропуштиме и нема да ја пропуштиме затоа што  таа е наш билет за ЕУ и НАТО“ кажа Заев.

На првиот референдум за независност, Заев кажа дека имал само 17 години. Нашата генерација беше полна со надеж и веруваше во крајот на репресиите и крајот на сиромаштиајта и верувавме дека ќе имаме многу подобра иднина и дека ќе бидеме дел од европското семејство. Сега 27 години подоцна нашите соништа се уште не се остварени, сеуште се бориме со внатрешни конфликти, да не бидеме изолирани, имавме конфликти со оседите, но никогаш не престанавме да се бориме за нашата иднина“ кажа Заев.

Тој вети пред европратениците дека Владата прави се да ги постигне критериумите на ЕУ – владеење на правото, борбата против корупцијата и професионална администрација.

Заев од говорницата пред пратениците на ЕП им се заблагодари на колегите Борисов и Ципрас на кој исто така рече дека „не му е лесно“.

И двајцата се откажавме од нешто но постигнавме многу – веруваме дека имаме добар договор што го потврдува нашиот идентитет но и иднината на двете држави, рече Заев.

„Референдумот на 30 септември, е многу повеќе од само референдум за Договорот со Грција, туку е референдум за иднината на нашата земја и е има историски иста како оној на 8 септември во 1991 година.  Интеграциијата на земјите од Западен Балкан ќе донесе уште поголема стабилност во Европа. Нема силна Европа без успешен Балкан, успешен Балкан е Балкан интегриран во ЕУ и тоа не мотивираше да направиме Договор“ рече Заев и доби аплауз од европратениците.

Придобивките од зачленувањето на Македонија во ЕУ ќе биде обострано – придобивките за ЕУ ќе бидат поголема безбедноста во регионот и борба против тероризмот,а за Македонија посилна економија, подобро здравство, образование, инфраструктура.

Нашите луѓе сакаат да бидат дел од европско семејство – ова е се за што сонував на 17 години. Сега, како премиер зборувам во ЕП на својот мајчин јазик. Сега одлучуваме за нашата иднина и горди сме што имаме шанса да го зокружиме членството во ЕУ и НАТО. Можам да почувствувам колку сме блиску до ЕУ и НАТО и дека граѓаните ќе гласаат на рефрендумот, кажа Заев.