Published: Friday, June 19, 2020 11:57
Поранешната австриска канцеларка и претседателка на Високиот суд, Бригите Бирлајн остана без возачка дозвола, бидејќи управувала со својот автомобил под дејство на алкохол.
За време на вечера во ресторан, според австриските медиуми, таа испила повеќе алкохолни пијалоци по што со автомобилот тргнала дома. Пред полноќ полицијата ја стопирала и направила алкотест кој покажал дека има 0,9 промили алкохол во крвта, поради што е одземена нејзината возачка дозвола, а ќе треба да плати и висока парична казна.
„Многу ми е жал што, по една вечер мината со пријателите, и покрај тоа што пиев алкохол, седнав во автомобилот. За време на контролата, алкохолизираноста ми беше повеќе од 0,8 промили. Моето однесување не одговара на функцијата. Навистина ми е жал“, рече Бирлајн.
Како прва канцеларка во историјата на повоена Австрија, таа управуваше со државата седум месеци, по корупцискиот скандал „Ибица“ и падот на владата.