Италијанските медиуми пишуваат дека, покрај клупски фанови, гневни на Аргентинецот се и поедини мафијашки групи кои упатија закани до фудбалерот и неговото семејство
Муаро Икарди се најде на мета на навивачите на Интер. Капитенот на „нероазурите“ беше нападнат пред својот дом во Милано додека го паркираше автомобилот. Италијанските медиуми пишуваат дека, покрај клупски фанови, гневни на Аргентинецот се и поедини мафијашки групи кои упатија закани до фудбалерот и неговото семејство.
Како една од причините за конфликтот се наведува цитат во интервју што се најде во неговата автобиографија во кое упати порака кон една од фан групите на Интер.
„Подготвен сум да се соочам со тие навивачи. Колку се? – Педесет, 100, 200? – Ќе доведам 200 криминалци од Аргентина кои ќе ги убијат, па потоа да видиме“, напиша Икарди.
Икарди навлече дополнителен бес кај навивачите по промашениот пенал во поразот од Калјари на „Меаца“ со 1:2 во натпревар од осмото коло во Серија А.