Лицето кое денеска уби двајца заложници а задржа неколкумина во супермакет во градот Треб во југозападна Франција, е убиено од страна на француската полиција, јавија локалните медиуми.
Киднаперот пред ликвидирањето побарал ослободување од затвор на исламистот Салех Абделслам, кој е осoмничен дека стои зад нападите во Париз од ноември 2015 година, при што загинаа околу 130 лица.
Градоначалникот на Треб, Ерик Менаси, претходно соопшти дека во заложничката драма се убиени две лица, а сите заложници биле ослободени, освен еден полицаец со кој останал сам во објекот.
При нападот на киднаперот, кој тврдел дека е припадник на џихадистичката група Исламска држава (ИД), врз супермаркетот, според АФП, загинале две лица.
Градоначалникот Менаси изјави дека кога влетал во супермакетот киднаперот извикувал „Алаху акбар, сите ќе ве убијам“.
Полицијата информира дека пред да упадне во супемаркетот во Треб, напаѓачот украл автомобил во соседниот град Каркасон, при што убил едно лице, а ранил друго. Потоа тој стрелал кон група полицајци, повредувајќи еден од нив, по што се упатил кон супермаркетот во Треб.
Францускиот премиер Едуар Филип го окалификува настанот како „терористички чин“.