Тоа што мора да се направи, според Зеленски, е рускиот претседател да почне  да разговара, да влезе во дијалог, наместо “да живее во информациски меур без кислород, бидејќи таму и се наоѓа”.

Мораме да разговараме за тоа да најдеме компромис како луѓето ќе продолжат да живеат на Крим и во републиките во Донбас, одговорил претседателот на Украина, Володимир Зеленски, на прашањето за можноста за признавање на Крим, Доњецк и Луганск.

Во интервју за “ABC News” украинскиот лидер објаснил:

– Можеме да разговараме за прашања поврзани со привремено окупираните територии и непризнаените републики кои никој освен Русија не ги признал, овие псевдорепублики, можеме да најдеме компромис за идната судбина на овие територии. Тоа што ми е важно е да сфатам како ќе живеат луѓето на тие територии, кои   сакаат да бидат дел од Украина? Кој во Украина сака да ги прифати? Затоа, прашањето е многу покомплицирано од самото признавање. 

Зеленски додал:

– Ова е уште еден ултиматум, а ние не сме подготвени за ултиматуми, изјавил Зеленски.

Тоа што мора да се направи, според Зеленски, е рускиот претседател да почне  да разговара, да влезе во дијалог, наместо “да живее во информациски меур без кислород, бидејќи таму и се наоѓа”.

– Тие информации ги добива Путин, а вие не знаете колку се реални информациите кои тој ги добива, додал тој.

Помошникот на претседателот на Русија и шеф на делегацијата на преговорите со Украина, Владимир Медински, претходно во интервју за “RT” изјавил дека се надева дека во текот на преговорите ќе може да се пронајде решение на темата признавање на Крим и Донбас.