о земјотресот со јачина од 7,3 степени што го потресе северниот пограничен регион меѓу Иран и Ирак, досега загинаа најмалку 396 лица, а повредени се повеќе од 7.000 лица.
Една иранска агенција за помош соопшти дека на 70.000 луѓе им е потребно засолниште по земјотресот, кој е еден од најголемите оваа година.
Повеќето од оние кои загинаа беа во западниот дел на Иранската провинција Керманшах, каде се одвиваат и најголем дел од спасувачките операции, објавија официјални лица за државните медиуми.
Жена со бебе е извлечена жива од под урнатините, јавија државните медиуми.
Агенцијата ИРНА објави дека досега се повредени над 5346 лица, само во Иран.
Повеќето од жртвите се од градот Сарпол-е Захаб, околу 15 километри од границата, изјави началникот на иранската служба за итни случаи, Пир Хосеин Куливанд, за иранскиот државен телевизиски канал ИРИНН.
Во Сарпол е Захаб град со околу 85.000 жители, ѕидовите на голем број висококатници се урнати, поради што голем број жители ноќта ја минале надвор на исклуително ниски температури.
Главната болница во градот е сериозно оштетена, поради што и лекувањето на стотиците повредени е отежнато, објави државната телевизија.
Штета претрпеа уште најмалку осум села, изјави за каналот шефот на Иранската организација Црвена полумесечина, Мортеза Салим.
Во некои од нив во прекин е електричната енергија и телекомуникациите.
Најголем проблем за спасувачките екипи е лизгањето на земјиштето.
Земјотресот се случи во 21:18 по локално време (18:18 СЕТ) околу 30 километри југозападно од Халабџа, во близина на североисточната граница со Иран, објави Американскиот центар за геолошко истражување.
Тој бил на длабочина од 23,2 км, што се смета за релативно плиток, а бил почувствуван во Турција, Израел и Кувајт. Иран се наоѓа на трустно подрачје и често е подложен на земјотреси.
Околу 1,8 милиони луѓе живеат во радиус од 100 километри од епицентарот, објавија ОН.
Многу домови во оваа планинска област се направени од тули и не можат да издржат силни потреси како оној вчера.
На ирачката страна, најголеми штети има во градот Дарбандикхан во курдскиот регион.
-Ситуацијата таму е многу критилна, изјави за Ројтерс, кусдкиот министер за здравство Рекват Хама Рашид.