Управата на ПСЖ, наводно, е подготвена да плати 135 милиони евра за трансфер на Килијан Мбапе. Напаѓачот има одлична сезона зад себе во дресот на Монако и со прикажаните партии го привлече вниманието на голем број фудбалски клубови на стариот континент, но само мал дел од нив може да си дозволат таков луксуз, а „светците“, без сомнение, се меѓу таквите.
Веста за пројавениот интерес од „Паркот на принцевите“ за услугите на Мбапе ја проби порталот „goal“ иако клубот претходно порача дека не е заинтересиран да креира мега понуда за младиот играч на „кнезовите“. Сепак, се чини, е направен пресврт во намерата по двата состанока на претставници на парижани со таткото на францускиот репрезентативец.
Пред Мбапе е лето со доста „слатки главоболки“. Од една страна Монако сака да го задржи или ако не може во тоа, тогаш барем добро да профитира, од друга страна е интересот што владее за него не само од ПСЖ туку и од Реал Мадрид, Арсенал и уште неколку гиганти на европскиот фудбал.
Евентуален трансфер на Мбапе во ПСЖ би значел и светски рекорд по прашање на платен износ за обесштетување на клубот при трансфер на фудбалер.