Денеска повторно избувнаа жестоки борби меѓу сириската армија и коалицијата на бунтовници предводена од радикални исламисти кои се обидуваат да напредуваат кон стратешки важниот град Хама, во истоимената провинција во центарот на земјата, јавува т новинските агенции.
Бунтовниците минатата недела започнаа блиц-офанзива за заземање на Алепо, вториот по големина град во Сирија на северот на земјата, над кој владините сили целосно ја загубија контролата за првпат од почетокот на граѓанската војна во 2011 година.
Бунтовниците успеаја да преземат контрола над неколку градови и села во областа Хама, додаде Центарот со седиште во Велика Британија.
Сириското Министерство за одбрана соопшти дека вчера се воделе тешки борби меѓу армијата, поддржана од сириски и руски воздушни напади, и „терористичките организации“ северно од провинцијата Хама.
Хама е стратешки важен град во центарот на Сирија на патот што го поврзува Алепо со главниот град Дамаск.
Околината на градот е населена со Алавити, заедницата од која потекнува сирискиот претседател Башар ал Асад, изјави Рами Абдел Рахман, директор на центарот, пренесен од француските медиуми.