Социјалните мрежи се преплавени со објави кои ја потценуваат вакцината, но овие реакции прават повеќе штета отколку добро. Не треба да има сомневање за тоа: вакцините против Ковид – 19 спасуваат животи, пишува Би – Би – Си. Пред да донесете одлука внимателно разгледајте ги статистиките од Велика Британија, советува медиумот. Во студија која следеше повеќе од 200.000 луѓе речиси секој учесник развива антитела против вирусот во рок од две недели по примената втора доза вакцина. И покрај првичните грижи дека вакцините можат да бидат помалку ефикасни против делта сојот, анализите покажуваат дека и вакцините од „Астра Зенека“ и „Фајзер“ ги намалуваат случаите на хоспитализација меѓу 92 и 96%. Несаканите ефекти од вакцината се мали, ако се спореди со заразување од Ковид – 19.
Сепак, некои луѓе сè уште не сакаат да се вакцинираат. Според неодамнешниот извештај на Меѓународниот монетарен фонд, таков случај е кај меѓу 10 и 20% од луѓето во Велика Британија, до околу 50% во Јапонија и 60% во Франција. Овие статистики на социјалните мрежи предизвикуваат коментари ‘вакцините не се сигурни’.
Стравовите на повеќето луѓе кои се двоумат за вакцината не треба да се мешаат со теориите на анти-вакцерите.
– Тие се многу гласни, и имаат силно присуство на интернетот и надвор од него, вели Мохамед Разаи од Институтот за здравствено истражување на населението при Универзитет во Лондон.
Тој пишува за различните психолошки и социјални фактори кои можат да влијаат врз одлуката на луѓето во однос на вакцината. „Но, тоа е мало малцинство“.
Дел од мнозинството кое се двоуми околу вакцинацијата нема политичка агенда, ниту пак се поврзани со анти-вакцерите. Тие едноставно не се одлучни дали да се вакцинираат.
Добрата вест е што повеќето луѓе кои се двоумеле се предомислиле.
– Но, дури и одложувањето се смета за закана по здравјето, бидејќи вирусните инфекции се шират многу брзо, вели Разаи.
Ова ќе беше проблематично ако сè уште се занимававме со постарите варијанти на вирусот, бидејќи уште повисоката трансмисијата на вирусот со новата делта варијанта ја зголеми итноста за да се допре до повеќе луѓе за да се вакцинираат.
Научниците започнаа да го проучуваат двоумењето на луѓето за вакцините долго пред Ковид – 19. Тие истражуваа различни модели на вирус кои се обидуваат да ги забележат разликите во здавјето кај граѓаните. Моделот „5Cs“ ги зема предвид следните психолошки фактори:
Доверба: Довербата на луѓето во ефикасноста и безбедноста на вакцините, здравствените услуги што им се нудат и креаторите на политики кои одлучуваат за нивното воведување
Самозадоволство: Без разлика дали личноста смета дека болеста е сериозен ризик за нивното здравје
Пресметка: Индивидуално ангажирање во пребарување информации во однос на трошоци и придобивки
Ограничувања (или погодност): Колку е лесно за луѓето преку прашања да пристапи до вакцината
Колективна одговорност: Подготвеност да се заштитат другите од инфекција, преку вакцинација