Шпанскиот суд му одреди 16 месечна затворска казна на Алексис Санчез за затајување на данок од еден милион евра. Но, Чилеанецот, сепак, нема да заврши зад решетки бидејќи, според законите во земјата, е потребно изречената мерка да биде поголема од две години.
Олеснителна околност за него беше фактот дека ја прифати вината и ја призна грешка што му овозможи спогодба со судските власти во Шпанија.
Престапот за кој се товареше сегашниот член на Манчестер јунајтед се однесува на периодот 2012-2013 година кога настапуваше за Барселона. Средствата што ги прикрил биле од авторски права за неговиот лик.
Санчез не е прв фудбалер на кого му е изречена затворска казна во Шпанија. Иста мерка за исто дело претходно беше изречена и за Анхел ди Марија, Кристијано Роналдо, Лионел Меси, итн.