Растот на минималната плата ќе продолжи и во иднина, велат од СДСМ, што со себе ќе донесе и пораст на просечната плата.

Бројни економски параметри покажуваат дека се надминати последиците од коронакризата, а економијата е подготвена за справување со претстојните предизвици, рече на денешната прес конференција Даниела Маркоска, пратеничка на СДСМ. Според неа, македонската економија е стабилна поставена на добри основи и се движи во добар правец.

„Според официјалните податоци, државата во текот на 2021 година извршила поврат на ДДВ кон стопанството од 488 милиони евра што е за 22,8 % повеќе во однос на 2020 година, односно 20,8 % повеќе споредено со 2019 година. Тоа значи дека економијата е ликвидна, а прометот зголемен. Растот на Бруто домашниот производ, растот на индустриското производство и растот на просечната плата се сигурен показател дека економскиот раст ќе продолжи и во оваа 2022 година“, рече Маркоска.

Растот на економијата за 2022 година е проектиран на 4,6 отсто, додека растот на капиталните инвестиции ќе биде повисок за 27 отсто во однос на претходната година.