Дури 97 проценти од новите случаи на Ковид-19 во Германија биле заразени со делта варијантата, објави германската државна агенција за контрола на болести. Здравствените власти трет ден по ред регистрираат над 3.000 нови инфекции, а во последните 24 часа Институтот Роберт Кох потврдил уште 3.448 нови случаи на коронавирус, најголем дел тинејџери и помлади лица.

Во Германија има 29.900 активни случаи на Ковид-19 и покрај големото зголемување на бројот на случаи во последните недели, бројот на хоспитализации и смртни случаи остана релативно низок, во споредба со првиот и вториот бран на пандемијата.

45 милиони луѓе во Германија или 54,1 проценти од населението се целосно вакцинирани, а повеќе од 51,8 милиони луѓе или 62,2 проценти примиле барем една доза.