Бешикташ, Селта и Генк се први четврт-финалисти во Лига Европа. Турскиот претставник го елиминира Олимпијакос по убедливата победа во реваншот со 4:1 (првиот меч во Пиреја заврши без победник – 1:1). Абубакар во 10 минута, Бабел во 22. и во 75. и Тосун во 84 минута беа стрелци за составот од Истанбул, почесниот за гостите беше дело на Елјунуси во 31. Бешикташ во завршницата на првиот дел остана со играч помалку по исклулувањето на Абубакар.
Селта славеше на гостувањето кај Краснодар со 2:0 за потврда на оние 2:1 од првата средба во Виго и место во наредната фаза во второто, по ранг, натпреварување на УЕФА. Малјо во 52 минута и Аспас во 80 минута погодија за шпанскиот состав. Рускиот, пак, во финишот остана со играч помалку на теренот. Исклучен беше Каборе, но патникот во четврт-финалето, сеедно, беше решен.
Генк одигра 1:1 во реваншот од белгиската пресметка со Гент. Кастрање во 20 минута ги поведе домашните во водство што го анулира Вестрет во 84. Победникот во двомечот беше јасен и пред возвратните 90 минути од причина што Генк славеше во воведните на гости со 5:2.
Лига Европа
Резултати, осминафинале
Бешикташ – Олимпијакос 4:1 (прв меч 1:1)
Краснодар – Селта 0:2 (1:2)
Генк – Гент 1:1 (5:2)