Џес Лингард останува во Манчестер јунајтед до 2021 година за неделна плата од 100.000 фунти. На „Олд трафорд“ пристигна на 17 годишна возраст и набрзо стана омилен дел во соблекувалната на „црвените ѓаволи“. За првиот тим дебитира под водство на Луи ван Гал во сезоната 2014/15 и оттогаш одигра 70 натпревари.
„Манчестер јунајтед секогаш бил голем дел од мојот живот. При секое облекување на дресот чувствувам голема гордост“, вели 24 годишниот англиски репрезентативец кој во кариерата досега настапувал како позајмен фудбалер во Лестер, Бирмингем, Брајтон и Дерби.
Лингард е еден од ретките играчи на Јунајтед кој постигнувач голови во три меча едноподруго на Вембли. Негово дело беше единствениот во ланското финале во ФА купот, оваа сезона ги „тресеше“ Лестер во Комјунити шилд натпреварот и Саутемптон во мечот за титулата во Лига купот на Англија.