Според лидерот на ДР-ДПА и претставник на Алијансата на Албанците, Зијадин Села, нападот врз пратениците и новинарите во Собранието на 27 април бил нарачан од политички функционери коишто се обидуваат да го прикријат нивниот криминал.
Давајќи исказ денеска во Основното јавно обвинителство, Села вели за неговиот исказ и немало потреба бидејќи се било познато во јавноста.
„Го завршив мојот исказ за настаните кои се случија на 27 април. Реално, немаат потреба за целиот тој исказ зашто сè беше толку јавно, тенденциите беа толку јавни и нарачателите на атентатот се јавни политички личности, партиски претседатели коишто се подготвени на сè во обидот да ги скријат криминалот и корупцијата што ги направија сите овие години“, изјави Села.
И Александар Кирацовски од СДСМ денеска даде исказ за случувањата на 27.април, потенцирајќи пред новинарите дека нападот бил координиран и контролиран и претставувал обид за убиство на неколку пратеници.
Кирацовски ги повика судот и обвинителството да не бидат соучесници во криминалот со пресудите за насилниците.