Кливленд не дозволи да биде „исчистен“ во големото финале во НБА лигата. „Кавалирси“ ја спасија првата меч топка и славеа над Голден Стејт со 137:116 (по четвртини: 49:33, 37:35, 29:28, 22:20) во четвртиот натпревар и намалија на 1:3 во финалната серија подобар од седум. Притоа поставија и нов рекорд по бројот на постигнати поени (86) во едно полувреме во плеј-оф0т.
Најефикасен во победничката екипа беше Кајл Ирвинг со 40 коша, Леброн Џејмс, пак, запиша нов трипл-дабл (31 поен, 11 асистенции и 10 скока), негов, рекорден, деветти во финалните серии со што го надмина и легендарниот Меџик Џонсон. Предводник на вориорси беше Кевин Дурент се 35 поени.
Финалната серија во плеј-офот во кошаркарската НБА лига се враќа во Оукленд, петтиот меч е закажан во ноќта меѓу понеделнк и вторник.
НБА лига – Финале
Кливленд – Голден Стејт 137:116 (по четвртини: 49:33, 37:35, 29:28, 22:20)
Кливленд – Голден Стејт 113:118 (по четвртини: 32:39, 29:28, 33:22, 19:29)
Голден Стејт – Кливленд 132:113 (по четвртини: 40:34, 27:30, 35:24, 30:25)
Голден Стејт – Кливленд 113:91 (по четвртини: 35:30, 25:22, 33:20, 20:19)