Во светло на истекот на рокот за одлуките на Кривичниот совет по барањето за притвор за Никола Груевски од СЈО, НОВА се консултираше со правни експерти за процедурата во која што тој би можел да биде одведен во притвор. Иако најголемите пречки за СЈО во процесуирањата на моќниците од ВМРО-ДПМНЕ е токму пристрасноста и партизираноста на Судот, сепак, дури и тие да одлучат да му доделат притвор, постојат пречки од легален карактер.
Во случај Кривичниот совет да одлучи позитивно по барањето на СЈО, за Груевски прво треба да побара од Собранието да му укине пратеничкиот имунитет, одлуката се носи со просто мнозинство коешто коалицијата предводена од СДСМ иано не тенок мраз, веќе ги има.
Изнаоѓањето начини за заобиколувањето или одолговекувањето на правните процедури, исто така, може да е средство кое Груевски би го употребил за да ја одолговекува одлуката до размери во кои може и му одговараат. Тоа веќе се случи со истрагата за перење пари во ВМРО-ДПМНЕ која што не успеа да прерасне во обвинение. Груевски, Кирил Божиновски И Мартин Протоѓер не се одзиваа на поканите на СЈО за разговор, а без првообвинетите да поминат низ таа процедура не можеше формално да се процесуира обвиниение.
Груевски како своја предност ја има и наклонетоста на мнозинството од судиите во Кривичниот суд. Дел од нив беа слушани и во таканаречените „бомби“ на опозицијата, а познат беше и тефтерот со судии на Гордана Јанкулоска којшто таа го споменуваше во разговор со Мијалков. Добар дел од бомбите открија и како партијата ги назначува судиите.