«Решавањето на проблемот со името е еден најголемите приоритети» на новата влада, изјави Али Ахмети, лидерот на ДУИ, во интервју за грчкиот весник Катимерини.
Според Ахмети, новата влада има два топ приоритети – решавање на спорот со Грција и влезот на Македонија во НАТО под референцата ПЈРМ, вели Ахмети во интервјуто.
Решавањето на спорот со името е «еден од најголемите приоритети»:
«Ние сме соседи и нашата заедничка иднина е во ЕУ. Грција мора да биде земјата што ќе го носи факелот што ќе нé води во ЕУ», вели Ахмети. Додавајќи дека земјата можела да влезе во НАТО под референцата ПЈРМ а потоа да продолжат разговорите за конечно решавање на спорот.
«Чекор мора да биде направен за да тргнат работите напред. Мораме да го земеме во предвид геополитичкиот развој и напорно да работиме за влез на Западниот Балкан бидејќи тоа ќе биде добро и за нас», вели лидерот на ДУИ.
Тој подвлекува исто така дека неговата земја нема максималистички барања кон Грција:
«Сакам категорично да кажам дека Скопје нема никакво територијално барање кон Грција и да ја уверам Атина дека Грција нема да биде под никаква закана од северниот сосед».