Килијан Мбапе останува во фокус на европската фудбалска јавност за наредната дестинација во неговата кариера. Услугите на младиот Французин ги посакуваат сите гиганти на стариот континент, но малку од нив можат да си дозволат таков луксуз со оглед на висината на откупната клаузула што ја има во договорот со Монако.
„Марка“, сепак, објави дека трансфер сагата со Мбапе е завршена работа. Според наводи на шпанскиот весник, Реал Мадрид веќе го обезбедил напаѓачот на „кнезовите“ за рекордни досега 180 милиони евра од кои 160 милиони ќе бидат исплатени веднаш, а останатите 20 милиони низ бонуси. Од Монако, пак, експресно реагираа на написот и преку британски „Скај“ демантираа дека го продале репрезентативецот на „триколорите“, но не и дека преговараат со „кралскиот клуб“.
Ако договор сè уште нема, тогаш договор би можел да биде постигат наскоро. Доколку се реализира, Мбапе би станал сопственик на највносниот трансфер во историјата на фудбалската игра и за 75 милиони евра би го надминал Пол Погба од Јувентус во Манчестер јунајтед.
„Марка“ ја дополнува својата вест дека 18 годишниот играч ќе потпише шестгодишна соработка со „кралевите“ за неделна плата од 135.000 евра.