Европската комисија (ЕК) е загрижена поради американските санкции кон Русија. Загрижена поради можноста овие санкции “да имаат влијание врз енергетската независност на ЕУ” и поради “можните негативни политички последици”.
Брисел го потсетува Вашингтон дека политиката на санкции треба да се координира со сите земји на групата Г7.
ЕК денес потсети дека овој предлог закон воведува санкции кон било која фирма “која придонесува за развој, одржување, модернизација и поправки на гасоводите кои извезуваат енергија која доаѓа од Русија”.
Ова значи дека примената на овој закон, кога ќе биде усвоен, “ќе им нанесе штета на инфраструктурите кои пренесуваат енергетски ресурси во Европа” како и на “проектите кои се клучни за остварување на целта за енергетска разновидност како проектите за течен природен гас во балтичкиот регион”, вели ЕК.
Повеќе европски земји, како Германија, се лути поради овој нацрт закон затоа што тоа му дава можност на претседателот на САД да ги санкционира и европските фирми кои работат на гасоводите што доаѓаат од Русија, да го ограничи нивниот пристап во американските банки или да ги исклучи од јавните тендери во САД.
Американскиот Конгрес денес речиси едногласно го одобри нацрт законот за санкциите кон Русија, Иран и Северна Кореја. Нацрт законот треба да биде одобрен и од Сенатот