Турскиот претседател побара од Турците кои живеат во Германија да не гласаат за големите партии на парламентарните избори на 24 септември и да ги казнат демохристијанската ЦДУ, социјалистичката СПД и партијата на Зелените. Причината, вели Реџеп Таип Ердоган, е што овие партии “не покажуваат почит кон Турција”.
Оваа изјава веднаш донесе остар одговор од Берлин кој побара од Ердгоан да не се меша во изборниот процес во Германија.
Ердоган, во својот познат стил, изјави дека овие партии се непријатели на Турција:
“Дајте им поддршка на оние кои не се непријателски расположени кон Турција. Станува збор за борба за чест за сите наши граѓани кои живеат во Германија”.
Во Германија живеат 3 милиони Турци и таму е најголемата турска дијаспора во светот. Речиси 1,2 милиони Турци во Германија имаат право на глас за изборите.
Турците во Германија гласаат најчесто за левите партии и за за СПД. Ердоган е популарен помеѓу германските Турци. Речиси 60 отсто од нив гласаа за него на изборите во 2015 година.
Берлин не остана должен со одговор:
“Ние нема да толерираме никаво мешање во нашите избори”, изјави Меркел преку својот портпарол.
Мартин Шулц, социјалистичкиот противник на Меркел за премиер, смета дека Ердоган “загубил секоја мерка” во неговите изјави.
А Чен Оздемир, претседателот на Зелените кој има турска потекло, вели дека не е изненаден од зборовите на Ердоган:
“Сите оние кои се за демократија и против корупцијара и репресијата во Турција се сметаат за предавници и непријатели”, рече тој.
Односите помеѓу Анкара и Берлин се влошија по неуспешниот турски пуч од јули 2015 година.