Рафаел Надал се врати на врвот на АТП ранг листата по пауза од три години. Со 7,645 бода, Шпанецот ја презеде лидерската позиција од Енди Мареј, кој ги пропушти турнирите во Монтреал и во Синсинати, и ја започна 141 недела во кариерата како најдобар светски тенисер.
Британецот сега е втор со 7,150 бода додека Федерер, Вавринка и Ѓоковиќ останаа од третото до петтото место. Александар Зверев и Марин Чилиќ ги заменија позициите, па Германецот е шести, а Хрватот седми. Австриецот Доминик Тим е осми, Димитров, по триумфот во Синсинати, се искачи на деветтата позиција, топ 10 завршува со Кеи Нишикори.
Каролина Плишкова го „преживеа“ Синсинати и ја започна шестата недела како водечка на ВТА листата. Чешката тенисерка опстана на првото место благодарение на триумфот на Гарбине Мугуруза над Симона Халеп на Мастерсот во Синсинати. Шпанката напредуваше до третото место, меѓу првите 10 кај дамите се Елина Свитолина, Каролина Возњацки, Анџелик Кербер, Џоана Конта, Светлана Кузнецова, Венус Вилијамс и Агнешка Радванска.
АТП листа
Рафаел Надал (Шпанија) 7,645 бода
Енди Мареј (В. Британија) 7,150
Роџер Федерер (Швајцарија) 7,145
Стен Вавринка (Швајцарија) 5,690
Новак Ѓоковиќ (Србија) 5,325
Александар Зверев (Германија) 4,470
Марин Чилиќ (Хрватска) 4,155
Доминик Тим (Австрија) 4,030
Григор Димитров (Бугарија) 3,710
Кеи Нишикори (Јапонија) 3,195, итн.
ВТА листа
Каролина Плишкова (Чешка) 6,390 бода
Симона Халеп (Романија) 6,385
Гарбине Мугуруза (Шпанија) 5,860
Елина Свитолина (Украина) 5,650
Каролина Возњацки (Данска) 5,350
Анџелик Кербер (Германија) 5,146
Џоана Конта (В. Британија) 4,750
Светлана Кузнецова (Русија) 4,410
Венус Вилијамс (САД) 4,216
Агнешка Радванска (Полска) 3,855, итн.