Тимо Вернер се избори за наслов во медиумите по синоќешните мечевите во Лигата на шампиони. Но, не поради ефект каков што имаа Кристијано Роналдо, Хари Кејн или Вишам Бен Једер туку од бизарна и досега непозната причина за фудбалската игра. Германскиот репрезентативец се најде во стартниот состав на Лајпциг и издржа 32 минути во истанбулскиот пекол.
Навивачите на Бешикташ ги бие глас како едни од најгласните во Европа меѓутоа децибелите од нивните грла беа проблем за Тимо Вернер на кого не беа од помош ниту тампоните за уши што ги побара од стручниот штаб. Па, заглушувачката атмосфера, каква ја нема во Германија, беше неподнослива за него и побара да биде заменет. Тренерот Ралф Хазанхутл го стори тоа и во игра го уфрли Клостерман.
„Не можете да подготвите екипа за ваква атмосфера. Тоа е невозможно. Ваква бучава може да ве оглуви. Бевме затекнати пред натпреварот и не постоевме на терен во првите 20 минути. Во секој случај е добра лекција за нас. Сега видов на кого може да сметам кога ќе дојдат вакви натпревари. Дефинитивно ќе извлечеме поука од ова искуство“, изјави Хазенхутл по средбата.
Бешикташ на крајот славеше со 2:0 и по две одиграни кола е лидер на табелата во Г со максимален ефект. Турскиот тим во првото коло го совлада и Порто на „Драгао“ со 3:1.