Полицијата во Лас Вегас објави детали за масакрот во неделата навечер во хотелот Менделеј Беј, кога беа убиени 58, а ранети над 500 луѓе, кои присуствуваа на фестивал на кантри музика пред хотелот.
Напаѓачот, пензионеро Стивен Падок (64) пукал врз луѓето од 9 до 11 минути пред да се самоубие, и поставил камери внатре во хотелската соба за да може да го следи движењето на полицијата.
Истражителите на три локалции поврзани со Падок пронашла 47 парчиња оружје, и тоа во хотелската соба од каде што пукал, во неговата куќа и на уште една локација.
Во самата соба имало 12 пушки кои се модифицирани како автоматско оружје.
Всушност најдени се уреди за забрзување на пукањето, односно два уреди (bump-stock) поставени на полуавтоматско оружје, со што тоа делува како автоматско.
Како што изјави за новинарите специјалниот агент Џил Снајдер, оружјето било купено во 4 сојузни американски држави – Невада, Јута, Калифорнија и Тексас.
Републиканците не попуштаат-и натаму бараат либерални закони за оружје
Во неговиот автомобил пронајден е амониум нитрат, што може да се користи за експлозив.
Полицијата потврди дека фотографиите објавени на интернет на кои се гледа телото на напаѓачот на подот покрај две пушки и со ракавици на рацете се автентични.
Претходно полицијата објави дека во нападот се убиени 59 лица без напаѓачот, но подоцна прецизираше дека се работи за 58 лица.
Полицијата објави и дека напаѓачот пукал меѓу 9 и 11 минути пред полицијата да го добие првиот повик, додека сведоци велат дека пукањето било од 10 до 15 минути.
Исламската држава ја презеде одговорноста за нападот, меѓутоа нема докази за поврзаност на Падок со исламистите.
Полицијата смета дека делувал сам, но засега не ги знае мотивите.
Пет теории зошто пензионерот – коцкар уби 59 луѓе во Лас Вегас