Она што е секојдневен проблем на Пекинг во Кина, претставува проблем и за Македонија, најмногу за Скопје, Тетово и Куманово, претежно во есенскиот и зимскиот период – загаденоста на воздухот.
Ако се погледнат последните бројки на „Нумбео“, независниот истражувачки центар, ќе се види дека последните неколку години, Тетово е најзагадениот град во Европа а на второто место следи Скопје.
Пекинг во меѓувреме, кој е 14 место во светот, минатата година инвестираше во прочистувачи на воздух кои наликуваат на мини-згради.
Кулата е дел од проектот „Без смог“, иницијатива на холандскиот дизајнер Дан Розегард, кој за својот прочистувач вели дека е „најголемата електронска правосмукалка во светот“ а кој се уште е во тек.
Своевремено, Розегард тврдеше дека за ваквиот дизајн, инспирација земал од неодговорноста на владите.
„Не треба да чекаме на владите да ни кажат што да правиме. Сакам да започнам движење, заедница која нема да го прифати загадувањето. Треба да ја користиме енергијата од креативноста за да креираме решенија според кои, ваквите направи, во следните 10 до 15 години нема ни да бидат потребни“, рече тој.
Неговиот филер прочистувач, висок околу 7 метри, работи со 1.400 вати на час електрична енергија за да исчисти околу 30.000 кубни метри воздух. Кулата користи технологија со јони за да ги фати малите ПМ10 и ПМ2.5 честици за да филтрира чист воздух.
Според проценките на кинеското министерство за заштите на животната средина, на местата каде што се поставени овие кули, се чистел дури 75 отсто од воздухот.
Проектот на Розегард, оваа година беше претставен на годишниот собир за „нови шампиони“ во Кина, собие за нови иновациски технологии. Розегард во меѓувреме е во преговори со неколку кинески компании за развивање на филтер кулата, за изработка и дистрибуција, за која има идеја да се инсталира во некои од најзагадените градови во светот.