Градоначалникот на Скопје Петре Шилегов денеска повотри дека во тек се неколку активности за проверка на шпекулациите дека во „Дрисла“ се гори радиоактивен отпад.
– Постојат сериозни индиции за криминал на депонијата „Дрисла“, имаше шпекулации дека таму се гори секаков вид отпад, вклучително и радиоактивен. Јас не кажав дека на Дрисла има радиоактивен отпад. Тоа е нешто за кое вие новинарите пишувавте, а не нешто што јас го кажав, рече Шилегов и додаде дека повеќе институции посветено работатат на ова прашање.
Тој најави дека набргу ќе излезе целосен извештај за работата на депонијата „Дрисла“, која како што нагласи, е во надлеженост на Министерството за животна средина и просторно планирање и е носител на А лиценца.
Шилегов исто така кажа дека досега се означени околу 200 диви депонии во Скопје и дека тимови на Град Скопје спроведуваат контроли за нивно лоцирање.
Конституирано е интерорганското координативно тело и набргу граѓаните на Скопје ќе добијат телефонски број, кој ќе работи 24 часа за пријава на диви огнови.