Во судот во Солун денеска почна судењето за барањето од македонските власти за екстрадиција на поранешните началници во Управата за безбедност и контраразузнавање (УБК) Горан Грујевски и Никола Бошковски, обвинети од СЈО за предметот „Тврдина и Таргет“.
– Почна судењето, меѓутоа, рочишето е затворено за јавност. Сега дадоа кратка пауза за да ги разгледаат документите што ги достави Владата, по што постапката ќе продолжи, изјави за МИА адвокатот Петар Василев.
Грујевски и Бошковски се во притвор во затвор во близина на Солун. На двајцата им се суди во солунскиот суд и за фалсификуваните пасоши со кои беа фатени на 18 октомври годинава на аеродромот во Солун, кога се обидоа да заминат за Будимпешта.
Претходното рочиште за лажните пасоши не се одржа бидејќи не беше присутен еден од останатите обвинети, кои исто така биле заедно со Грујевски и Бошкоски. Ова судење е одложено за 17 мај 2018 година.
Судењето за лажните пасоши е одвоено од постапката за нивна екстрадиција.