Италијанската полиција приведе 12 лица , под обвинение дека се дел од злосторничко здружување со цел трговија на наркотици со елементи на транснационалност. Во акцијата запленети се 80 килограми дрога.
„Полициската акција уследи по истрагата која беше спроведена, благодарејќи на информативната и оперативна координација меѓу истражните и правни органи на Италија, Албанија и Македонија, реализирана преку организација, со поддршка од страна на централната дирекција за борба против дрога, на оперативни средби во Тирана и Охрид“ соопшти италијанската полција.
Обвинетите со потекло од албанскиот град Елбасан, тргувале со големи количини на хероин во Италија и помали количини на кокаин.
Организацијата, како што е соопштено, имала создадено дистрибутивна мрежа во Тоскана, Ломбардија, Лигурија, Пуља, Емилија Ромања и Трентино Алто Атиџе. Како оперативна база на оваа организација лоцирана е куќа во околината на Венето која била константно набљудувана од страна на вооружени членовите на организацијата. Куќата во Венето се користела за мешањето, пакувањето и подготовката за продажба на наркотикот.
Дрогата пристигнувала од странство со автомобили со изработени бункери и обезбедени со радиолокализација, во состојба да се следат движењата на возилата.
Резултатите од истрагата овозможија и отпочнување на слични истраги и во Република Македонија, координирани од Скопското јавно обвинителство одговорно за борба против организираниот криминал и спроведени од македонската полицијата надлежна за сузбивање на дрога. Акцијата во Македонија резултираше со заплена на големи количества на наркотици и апсење на одговорните лица за транспортот.