Турција е “уморна” од чекање можно членство во ЕУ, изјави денес турскиот претседател Реџеп Таин Ердоган за време на прес конференција во Париз со неговиот француски колега Емануел Макрон.
“Не можеме ние постојано молиме за влез во ЕУ”, рече Ердоган.
Познато е дека Турција е кандидат за членство во ЕУ од 1999 година а во 2005 година ги започна преговорите за членство. Оттогаш до денес напредокот во преговорите е блокиран поради колебливоста на многу земји членки на ЕУ дали Турција треба да влезе во ЕУ. А во последните години проблем е и авторитарното владеење на Ердоган и непочитувањето на човековите права и слободата на изразување во Турција.
Макрон не се колебаше ова го предочи за време на заедничката прес конференција и да подвлече дека однесувањето на Турција во однос на човековите права исклучува можен напредок во преговорите за членство.
“Што се однесува со односите во Европската унија, јасно е дека неодамнешниот развој на настаните не дозволува било каков напредок во започнатиот процес”, рече Макрон.