Законот за употреба на јазиците најверојатно ќе се најде пред пратениците на 29 јануари. На денешната координација кај претседателот на Собранието, Талат Џафери, координаторите на владејачките пратенички групи се договориле неделава да нема седници, бидејќи неколкумина пратеници се на службен пат и нема кворум за работа. Од Кабинетот на Џафери велат дека, Законот најверојатно ќе биде ставен на дневен ред идниот понеделник, на 29-ти јануари,а тогаш ќе се избираат и петмината потпретседатели на Собранието.
Ова ќе биде трето читање на Законот, што ќе оди директно на пленарна седница, без комисиска расправа.
Амандмани може да се поднесуваат само на членовите на кои претседателот Ѓор栘е Иванов упати забелешки при одбивањето да го потпише указот. Тој има забелешки на 19 од вкупно 25 члена од законот.
Опозициската ВМРО-ДПМНЕ бара Владата да го повлече Законот за употреба на јазиците и да се формираат работни групи од претставници на сите парламентарни партии, експерти како и претставник од Кабинетот на претседателот.
Ова се нивните барања, за како што велат, новото законско решение да не излегува од рамките на Уставот.
Законот за употреба на јазиците беше изгласан во Собранието, но претседателот Ѓорге Иванов стави вето односно не го потпиша указот.