Во Кривичниот суд денеска треба да се продолжи судењето за предметот „Сопот“, со сосолушување на петмина полицајци.
Десет лица беа осудени за тероризам. Шестмина од нив кои беа присутни на судењето се изјаснија дека го разбираат обвинението и оти остануваат на тоа што го кажале на претходните рочишта. На четворица од обвинети ќе им се суди во отсуство, бидејќи не се достапни на органите на прогонот.
Адвокатот Насер Рауфи по минатото роќиште во февруари, изјави дека доколку дозволи Судот, како сведоци во овој судски процес можеби ќе бидат повикани и поранешниот шеф на тајната служба, Сашо Мијалков и поранешната министерката за вантрешни работи Гордана Јанкулоска.
Случајот „Сопот” се однесува на 2003 година, на поставувањето мина на локалниот пат Сушево – Сопот, при што теренско возило на НАТО налета на неа и загинаа двајца полски војници и еден македонски државјанин.
Основното јавно обвинителство за гонење на организиран криминал и корупција во јули минатата година му го предаде предметот „Сопот“ на СЈО, откако во јавноста беа објавени разговори на владини функционери поврзани со овој случај.
Судењето за „Сопот“ поради смена на судиите минатиот месец почна од почеток.