По барање на адвокатите, судијата Осман Шабани го одложи првото рочиште од судскиот процес за случајот „Титаник“ на СЈО и и даде на одбраната дополнителни 10 дена за да извршат увид во доказите од предметот . Шабани, наведе дека адвокатите ќе имаат можност секој ден во библиотеката на судот да вршат увид во доказите се до 12 април за кога е закажано следното рочиште.
Адвокатите побара увид во докaзите поради обемниот материјал и поради тоа што наводно во цедињата имало дополнителни докази.
Станува збор за доказен материјал на 25 000 страници, меѓу кои и 11 цедиња со прислушувани разговори и транскрипти од нив на повеќе од 1000 страници.
Дел од адвокатите пред неколку дена повторно поднеле барање до судот да бидат изземени како доказ прислушуваните разговори и смс пораките, бидејќи како што сметаат станува збор за незаконски прибавени докази за кои Кривичниот совет на Основниот суд Скопје еднаш се изјаснил дека не можат да бидат користени како доказ. Обвинителката на СЈО Лиле Стефанова ваквите предлози на одбраната за увид во доказите и барањето за изземање на прислушуваните разговори ги оцени како обид да се одолговлекува постапката.
„Одбраната бара издвојување на доказите, односно материјалите прибавени од прислушуваните рзговори. Како што е веќе познато Апелациониот суд се произнесе во корист на СЈО, односно донесе решние со кое смимените разговори и смс пораки влегоа во доказниот материјал. Овој предлог треба да биде одбиен како неоснован, рече Стефанова која како неоновано го оцени и барАњето на одбраната з аувид во доказате, бидејки како што рече во текот на истрагата адвокатите имале можност во просториите на СЈО да се запознаат со доказите.
Обвинителката Стефанова се осврна и на тврдењето на адвокатот на екс замничката министерка за правда Билјана Бришковска дека не добила никакви дозкаи. Стефанова рече дека ги скенирале сите докази, ги ставила во посебна папка и преку курирската служба на СЈО ги доставила до Бришковска – Бошковски.
„Обвинетата Билјана, го врати ковертот неотворен со забелешка напишана на рака, дека докази прима само од судот„рече Стефанова.
Во новата судница опремена за вакви големи случаи, беа присутни сите обвинети. Додека нивните адвокати се обидуваа да го одложат судењето, тие гледаат во своите телефони, поради што беа опоменети од судијата.
„Оввинетите да престаната со телефоните. Наредниот пат ќе барам да ви бидат задржани од судската полиција и ниту еден обвинет нема да носи телефон во судница“ рече Шабани.
Во„Титаник“ , се обвинети поранешниот премиер Никола Груевски, неговиот шеф на кабинет Мартин Протуѓер, екс министрите Гордана Јанкуловска, Миле Јанакиевски,замнеик министерката Билјана Бришковска, пратеникот Илија Димовски , поранешниот генерален секретар на Владата Кирил Божиновски. Во овој предмет обвинети се и разузнавачот Мунир Пепиќ, градоначалникот на општина Пустец во Албанија, Едмонд Темелко, Леко Ристовски, Кирил Тодорвски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.
Ова е најобемниот предмет на СЈО. Според обвинението, обвинетите формирале злосторничко здружување со цел да влијаат врз гласачите на парламентарните, локалните и претседателските избори кои се одржаа од 2011 до 2014 година. Тие, исто така се обвинети за злоупотреба на пари за финансирање на изборната кампања и за незаконско пријавување на гласачи во изборниот список, без знаење на избирачите. За ова, тие ја користиле својата службена положба и моќ која ја имале за да влијаат врз гласачите, а се со цел партијата да остане на власт.
Според обвинението на СЈО на чело на ова злосторничко здружување бил екс премиерот Никола Груевски кој го организирал дејствувањето на групата и давал конкретни насоки и упатства на другите обвинети.
Груевски го бранат шест адвокати: Еленко Миланов,Димитар Дангов, Дончо НаковБоро Тасевски,Стерјо Зиков и Сања Алексиќ.