Министерката Женевиев Дариесек, државен секретар во Министерството за вооружени сили на Република Франција изјави дека нон пејперот во врска со проширувањет на ЕУ, чиј потписник е Франција заедно со Холандија, нема никаква официјална важност и дека кон крајот на јуни ќе се разгледува достигнувањето на Македонија.
-Да се зборува за еден работен документ што нема никаква официјална важност, а за знам дека во последно време се пишуваше низ медиумите за него, е навистина нешто што допрва ќе треба да се разгледува и затоа треба кон крајот на месец јуни да размислиме за стигнување до вашата конечна цел. Знам дека беше направена огромна работа, ви престои уште, и свесни сме за напредокот што го постигна државата, одговори Дариесек на новинарско прашање, на прес конференцијата со министерката за одбрана Радмила Шекеринска во Битола.
И Амбадасата на Франција во земјава пред неколку дена во соопштение што го објави Макфакс прецизираше дека заклучоците за Македонија во него не се конечни и дека ставот на Франција ќе биде дефинитивно утврден во договор со нејзините европски партнери во наредниот период пред самитот на ЕУ во Брисел на 28 јуни.
-Амбасадата на Франција појаснува во врска со документот наречен “non-papier” кои го споменуваат одредени медиуми. Амбасадата, исто така, напоменува дека предлозите за отпочнување на преговорите од страна на Комисијата содржани во извештајот за Македонија и за Албанија ќе бидат проучени од страна на Советот (општи работи) на 26 јуни а потоа за нив ќе одлучи Европскиот Совет во текот на истиот месец. Разговорите за подготовка на заклучоците за Македонија и за Албанија се уште не се отпочнати во Брисел. Поради тоа и не треба да му се придава премногу големо значење на тој документ, особено што во него станува збор за точки за кои ќе се разговара и одлучува во иднина”, вели соопштението на амбасадата што го објави Макфакс.