Станислав Черчесов ја предводеше Русија до четврт-финале на Светското фудбалско првенство, а по елиминацијата на турнирот ќе биде нејзин водач и на приемот кај претседателот Владимир Путин. Спортските гости ги потврди и портпаролот на Кремњ, Дмитриј Песков.
„Претседателот истакна дека репрезентација достојно ја претстави Русија на Светското првенство. Упати честитки за одличните партии и историскиот дуел со Хрватска. Путин го повика стручниот штаб и репрезентативците на заедничко сумирање на впечатокот и да поразговаат за она што ќе остане во земјата по завршување на турнирот“, изјави Песков.
Путин низ телефонски разговор им посака среќа на руските фудбалери пред дуелот во четврт-финалето што Хрватска го доби на пенали. По мечот, повторно беше на линија и искажа пофални зборови за нивниот настап, борба и залагање на стадионот „Фишт“ во Сочи.