„Огромното видливо мнозинство на референдумот ќе ги даде насоките на пратениците. Одлучуваат тие што гласаат, тие што не гласаат не се ни бројат. Ако има и еден глас повеќе „Против“, ние го поништуваме Договорот. Ако има видливо мнозинство „За“ , треба да се очекува дека сите пратеници без разлика дали се власт или опозиција ќе го следат правецот кој ќе им го дадат граѓаните “ кажа денеска премиерот Заев.
Заев верува дека референдумот ќе биде успешен затоа што се работи за иднината на државата и ги повика лидерите на сите политички партии да се изјаснат како ќе постапат на денот на референдумот.
„Нашите одлуки, мојата, на Димитров ќе бидат безвредни ако народот не ги гласа. Затоа е убавината на референдумот. Ветувањето да се одржи референдум потекна од ВМРО ДПМНЕ уште од пред 12 години, а ние како СДСМ го прифативме и убаво е да го исполниме. Во страница 295 од Програмата на ВМРО ДПМНЕ пишува дека „само граѓаните на референдум ќе ја донесат одлуката и јас се согласувам 100 посто со тоа, исто така од Програмата на ВМРО ДПМНЕ пишува „мнозинството граѓани ќе одлучат“ и јас се согласувам сто посто. Ние всушност се согласуваме со ВМРО ДПМНЕ и верувам дека така ќе постапиме на денот на референдумот. Јас кажувам дека ќе гласам „ЗА„. Треба и другите политички лидери да ги кажат своите ставови затоа што водиме политички субјекти, наша одговорност е да носиме одлки и да им ги соопштуваме на граѓаните“ кажа Заев.