Каролина Плишкова и Јулија Гергес се првите тенисерки со ВТА титули во 2019 година. Чешката репрезентативка беше на гем до пораз во финалето во Бризбејн, но, сепак, се прибра, направи пресврт за конечни 4:6, 7:5, 6:2 во финалето против Лејса Цуренко од Украина.
Плишкова на тој начин стана само втора тенисерка што успеа двапати да слави во Бризбејн, откако категоризацијата на турнирот беше подигната на Премиер ниво. Такво нешто претходно и појде од рака само на Серенс Вилијамс. Но, и да се промовира во најдобар чешки рекет кај дамите со оглед дека ќе биде пред Петра Квитова на најновата ранг листа.
Јулија Гергес, пак, ја оправда фаворитската улога во однос на анонимната канадска квалификантка Бјанка Андреску во финалето во Оукленд. Германката славеше со 2:6, 7:5, 6:1 со што стана прва тенисерка која успеала да одбрани титула на турнирот во последните 15 изданија.
ВТА турнир во Бризбејн
Финале: Плишкова (Чешка) – Цуренко (Украина) 4:6, 7:5, 6:2
ВТА турнир во Оукленд
Финале: Гергес (Германија) – Андреску (Канада) 2:6, 7:5, 6:1