Американскиот производител на авиони „Боинг“ склучи договор со Министерството за одбрана на САД вреден 4,1 милијарди долари. Извори од Пентагон соопштија дека станува збор за договор за ширење и унапредување на системот за противвоздушна одбрана.
Ова е четврти договор меѓу „Боинг“ и Пентагон што е склучен во последниот период. Претходно. беше склучен договор од 9,2 милијарди долари за производство на 351 авион за обука Те-Икс, што е заеднички проект на „Боинг“ и на шведски СААБ. Компанијата се обврза да испорача и 46 симулатори за лет, а парафира и спогодби за изработка на првото беспилотно летало за снабдување во вредност од 805 милиони долари и за производство на хеликоптери за сума од 2,4 милијарди долари.
Последната од неколкуте зделки меѓу американските власти и Боинг доаѓаат по несреќата на авиокомпанијата „Етиопијан Ерлајнс“ во која при пад на авионот од типот „Боинг 737 Макс 8“ што леташе на релација Адис Абеба-Најрори загинаа сите 157 патници и членови на екипажот.