Турската офанзива против курдските борци во североисточна Сирија веќе принуди 130.000 луѓе да ги напуштат своите домови, соопштија денеска ОН, додавајќи дека тој број може да се зголеми и до 400.000.
„Сметаме дека до 400.000 луѓе ќе бидат раселени во погодените области и ќе имаат потреба од помош и заштита“, рече портпаролот на ОН, Јенс Лерке во Женева.
Обединетите Нации во петокот соопштија дека 100.000 луѓе ги напуштиле своите домови од средата кога почна турската воена офанзива во Сирија. Притоа се изразува и загриженост за безбедноста на 113 нејзини членови и припадници на други организации кои даваат меѓународна помош во тој сектор.