Пет нови смртни случаи како последица на вирусот ковид-19 во изминатите 24 часа, информираа Министерството за здравство (МЗ). Четири од нив се случија на Клиниката за инфективни болести и фебрилни состојби во Скопје – пациент од Куманово (52 години), пациентка од Лабуништа, Струга (65 години), пациентка од Челопек, Тетово (62 години) и пациентка од Штип (81 година). Петтиот смртен случај е регистриран во домашни услови во Куманово кај лице на возраст од 53 години.
Во изминатите 24 часа, истакнуваат од МЗ, се регистрирани 29 нови случаи на коронавирус во земјата од кои 15 во Скопје, седум во Куманово, по тројца во Струга и во Кочани и еден во Прилеп.
Со нив, вкупната бројка на дијагностицирани пациенти со ковид-19 во нашата земја изнесува 599 лица. Според местото на живеење, случаи на ковид-19 досега се регистрирани во:
Скопје – 254
Куманово – 128
Дебар – 49
Штип – 20
Прилеп – 34
Тетово – 29
Струга – 28
Велес – 10
Битола – 6
Охрид – 3
Кавадарци – 2
Гостивар – 4
Гевглелија – 4
Струмица – 2
Крива Паланка – 3
Радовиш – 4
Крушево – 2
Кочани – 17
Во изминатото деноноќие се направени 386 теста од кои 229 преку Институт за Јавно Здравје (ИЈЗ), а останатите преку Ветеринарен факултет – 8, „Авицена“ – 22, „Биотек“ – 22 и „Фипил Втори“ (Жан Митрев) – 105 . Досега во земјата се направени 5.879 тестирања на коронавирус.