Published: Tuesday, May 19, 2020 13:36
Со цел поддршка на граѓаните и локалниот туризам, Владата на Словенија одлучи да додели ваучери од 200 евра на сите полнолетни граѓани за одмор во земјата. Со мерката ќе бидат опфатени и пензионерите и независните земјоделци.
Премиерот Јанез Јанша истакна дека намената на овие ваучери е да се плаќа и финансиски помогне сместувањето на граѓаните во туристичките објекти во Словенија. Според најавите истите не можат да се користат за плаќање во ресторани или други угостителски објекти.
Туристичката дејност во Словенија е една од најпогодените до епидемијата на новиот коронавирус, а најголем дел од луѓето кои изгубија работа се токму од тој сектор.